Swyddog Cadwraeth Rheolaeth Gynaliadwy Natura 2000

Tîm / Cyfarwyddiaeth: Tîm yr Amgylchedd / Gweithrediadau

Cyflog cychwynnol: £36,246 yn codi i £39,942 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Penodiad cyfnod penodol tan 31 Mawrth 2026

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: I'w gadarnhau

Rhif swydd: 202654

Y rôl

Byddwch yn cyfrannu at un o ardaloedd dynodedig CNC fel rhan o fenter Rheoli Cynaliadwy Natura 2000, gan chwarae rhan ganolog yn y gwaith o gydgysylltu Datganiad Ardal a rheoli dalgylchoedd, yn ogystal â hyrwyddo canlyniadau Natur Hanfodol. Bydd eich gwaith yn cefnogi ymdrechion i fynd i’r afael â’r Argyfwng Natur, gwrthdroi’r dirywiad mewn bioamrywiaeth, a gwella gwytnwch ecosystemau. Bydd hyn yn golygu cydweithio’n agos â chydweithwyr CNC a phartneriaid allanol i ddatblygu, monitro a sicrhau bod prosiectau’n cael eu cyflawni’n effeithiol ac yn brydlon.

Fel sefydliad, rydym yn cefnogi gweithio hyblyg. Byddwch yn cael eich contractio i'r swyddfa CNC agosaf i'ch cartref, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â / ag Mr Rhys Ellis at Rhys.Ellis@cyfoethnaturiolcymru.gov.uk

Bydd cyfweliadau'n cael eu cynnal yn bersonol. Bydd y lleoliad yn cael ei gadarnhau yn nes ymlaen.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau

Amdanom ni 

Bydd y rôl hon wedi’i lleoli o fewn Tîm Amgylchedd Sir Ddinbych gyda chyfleoedd cyffrous yn codi i weithio ar draws cynefinoedd amrywiol yng Ngogledd Ddwyrain Cymru, yn amrywio o amgylcheddau arfordirol i dirluniau ucheldirol eang.
Mae Tîm Amgylchedd Sir Ddinbych yn eistedd o fewn y gyfarwyddiaeth weithredol lle rydym yn gweithio'n agos gyda thimau eraill megis Gwastraff, Rheoleiddio Diwydiant, Amaethyddiaeth ac Asesiadau Amgylcheddol.
O fewn tîm Sir Ddinbych rydym yn ymfalchïo mewn gweithio fel tîm i ddiogelu a gwella ein hafonydd a’n cynefinoedd daearyddol. Byddwch yn ymuno â thîm cyflym sy'n troi eu dwylo at lawer o wahanol dasgau o gyflawni prosiectau cadwraeth i sicrhau bod safleoedd yn cydymffurfio â'r ddeddfwriaeth berthnasol ac yn ymateb i ddigwyddiadau amgylcheddol. 

Yr hyn y byddwch chi’n ei wneud

• Gweithio gyda staff CNC a phartneriaid allanol, yn enwedig sefydliadau Amgylchedd anllywodraethol i ddatblygu prosiectau partneriaeth a fydd yn gwrthdroi dirywiad mewn bioamrywiaeth. 
• Nodi a datblygu cynigion ar gyfer cyllid cyfalaf a chymorth grant ar gyfer camau gweithredu a phrosiectau Lle wedi’u llywio gan flaenoriaethau Natur Hanfodol a’r Datganiad Ardal, sy’n gyson ag egwyddorion rheoli adnoddau naturiol yn gynaliadwy. 
• Monitro cynnydd prosiectau a chynnal adolygiadau rheolaidd i sicrhau y caiff prosiectau eu cyflawni’n llawn o fewn yr amserlen. 
• Gweithio gyda Thîm yr Amgylchedd a Rheoli Tir a thirfeddianwyr i helpu i gyflawni Cytundebau Rheoli. 
• Sicrhau bod dulliau gweithredu ac adrodd ar y prosiect yn cydymffurfio’n llawn gyda pholisïau a gweithdrefnau CNC. 
• Sicrhau bod pob prosiect wedi derbyn y caniatâd/cydsyniad  anghenrheidiol i symud ymlaen.
• Monitro cynnydd gwaith, a all gynnwys dehongli data, rheoli contractwyr, cyflawni prosiectau neu gydymffurfio â chytundebau rheoli neu hysbysiadau cyfreithiol statudol  Nodi a chofnodi unrhyw gamau adferol i sicrhau bod canlyniadau’n cael eu cyflawni. Casglu tystiolaeth i wirio bod hawliadau a gyflwynir yn briodol 
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Profiad o gadwraeth natur, bioamrywiaeth, safleoedd a thirweddau gwarchodedig mewn amgylchedd morol neu ddaearol. 
2. Profiad o weithio gyda thirfeddianwyr a/neu randdeiliaid eraill. 
3. Sgiliau hunanreoli a threfnu cadarn ac effeithiol. 
4. Y gallu i ddylanwadu ar eraill, cyd-drafod a sicrhau cydweithrediad. Mae profiad o ymdrin yn llwyddiannus â phobl / sefyllfaoedd anodd yn bwysig. 
5. Sgiliau cyfathrebu a rhyngbersonol ardderchog gyda ffocws ar y cwsmer. Yn gallu meithrin perthynas weithio effeithiol gyda chydweithwyr a phartneriaid allanol. 
6. Y gallu i ysgrifennu adroddiadau technegol clir a chryno. 
7. Y gallu i ddefnyddio systemau TG arbenigol, megis GIS neu gymwysiadau pwrpasol CNC. Gallu gweithio'n dda fel rhan o dîm. 
8. Meddu ar drwydded lawn gyfredol sy’n ddilys yn y DU i yrru cerbydau fflyd CNC (hanfodol)

Gofynion y Gymraeg

• Hanfodol: Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)
• Dymunol: Lefel B2 - Lefel ganolradd uwch (y gallu i ddefnyddio Cymraeg yn hyderus mewn rhai sefyllfaoedd gwaith) 
  

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Os ydych yn meddwl bod gennych yr hyn sydd ei angen i gyflawni'r rôl hon, ond nad ydych o reidrwydd yn bodloni pob pwynt yn y swydd-ddisgrifiad, mae croeso i chi gysylltu â ni o hyd a byddwn yn hapus i drafod y rôl yn fwy manwl gyda chi.

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon