Arbenigwr Dylunio sy'n Canolbwyntio ar y Defnyddiwr

Tîm / Cyfarwyddiaeth: Gwasanaethau Digidol / Cyfathrebu, Cwsmeriaid a Masnachol

Cyflog cychwynnol: £45,367 yn codi i £50,877 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad)

Dyddiad cyfweld: TBC

Rhif swydd: 203837

Y rôl

Pwrpas y rôl hon yw darparu arweinyddiaeth a gwybodaeth arbenigol wrth gynllunio a chyflwyno cynhyrchion a gwasanaethau digidol sy'n canolbwyntio ar y defnyddiwr. Byddwch yn gyrru'r broses ddylunio sy'n canolbwyntio ar y defnyddiwr ac yn arwain gwelliannau parhaus ar gyfer llwyfannau digidol CNC, gan ganolbwyntio’n bennaf ar cyfoethnaturiol.cymru, y cyfan wrth gydweithio o fewn tîm deinamig, traws-swyddogaethol o weithwyr proffesiynol digidol, data a thechnoleg.

I wneud ymholiad anffurfiol am y rôl hon, cysylltwch â Heledd Quaeck ar heledd.quaeck@cyfoethnaturiolcymru.gov.uk 

Bydd cyfweliadau’n cael eu cynnal ar Microsoft Teams​.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau

Yr hyn y byddwch chi’n ei wneud

•  Darparu arbenigedd gwrthrychol lefel uchel a chyngor i eraill yn seiliedig ar wybodaeth fanwl a phrofiad o ddulliau dylunio sy’n canolbwyntio ar y defnyddiwr ar gyfer gwasanaethau digidol.
•  Arwain a chyfarwyddo prosiectau gwella cynnwys strategol, gan ganolbwyntio ar y meysydd blaenoriaeth mwyaf a sicrhau bod nodau ac amcanion yn cael eu cyflawni
• Gweithio gyda'r Rheolwr Cynnyrch a’r Arweinydd Tîm Gwasanaethau Digidol ac eraill i nodi meysydd blaenoriaeth ar gyfer ymchwil defnyddwyr, dylunio gwasanaethau a chynnwys. 
• Arwain ar osod safonau cynnwys a dylunio drwy sefydlu arferion gorau a sicrhau cysondeb ar gyfer gwasanaethau a chynnwys ar draws holl gynhyrchion digidol CNC.
• Cymryd cyfrifoldeb am sicrhau ansawdd y cynnwys gan gydweithwyr iau, sicrhau bod cynnwys yn cael ei adolygu a’i werthuso’n rheolaidd, gan gyfrannu at welliannau ac iteriad parhaus
• Ymgysylltu â chydweithwyr ym mhob rhan o’r sefydliad yn rheolaidd i alinio nodau, casglu adborth a sicrhau bod gwaith dylunio yn diwallu anghenion defnyddwyr a busnes.
• Darparu gwybodaeth dechnegol/arbenigol fanwl ar gynnwys a dylunio gwasanaethau a safonau digidol ar draws CNC, y bydd eraill yn dibynnu arni ac sy’n cyfrannu at bolisi a strategaeth sefydliadol.
• Mesur a chyfleu effaith dylunio ar ganlyniadau busnes, gan ddangos y gwerth diriaethol y mae dylunio yn ei roi i'r sefydliad.
• Hwyluso a chyflwyno mewn cyfarfodydd mewnol ac allanol, gan roi mewnbwn a chyngor arbenigol ar ddylunio sy’n canolbwyntio ar y defnyddiwr a dehongli gwybodaeth gymhleth a chyfleu hyn yn llwyddiannus i eraill.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Cymhwyster cydnabyddedig, gradd neu brofiad cyfatebol.
2. Meddu ar brofiad sylweddol mewn dylunio cynnwys a dylunio gwasanaethau, o weithio mewn nifer o wahanol sefydliadau neu mewn rolau neu swyddogaethau gwahanol o fewn un sefydliad.
3. Meddu ar ddealltwriaeth fanwl a gofalu fod gennych yr wybodaeth ddiweddaraf am arferion gorau’r diwydiant – gan gynnwys Safonau Gwasanaeth Digidol Cymru, rheoliadau hygyrchedd a system ddylunio GOV.UK.  
4. Gallu esbonio cysyniadau technegol cymhleth mewn iaith glir a chyfuno prototeipiau yn effeithiol ag allbynnau cynnwys a dylunio eraill i'w profi gyda defnyddwyr a'u dangos i randdeiliaid.
5. Cynllunio a rheoli cynhyrchion a gwasanaethau digidol mewn amgylchedd ystwyth, gan sicrhau bod prosiectau yn cadw o fewn y gyllideb.  
6. Profiad o fentora eraill ar ddylunio cynnwys ac ysbrydoli eraill ynghylch dylunio sy'n canolbwyntio ar y defnyddiwr.
7. Profiad o fethodolegau cyflenwi ystwyth a dealltwriaeth o offer ar gyfer gweithio gyda thimau rheoli cynnyrch a digidol.
8. Sgiliau rhyngbersonol cryf, gan gynnwys profiad o sefydlu a chynnal rhwydweithiau cryf ar draws timau.

Gofynion y Gymraeg

• Hanfodol:A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg) 

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

 

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Os ydych yn meddwl bod gennych yr hyn sydd ei angen i gyflawni'r rôl hon, ond nad ydych o reidrwydd yn bodloni pob pwynt yn y swydd-ddisgrifiad, mae croeso i chi gysylltu â ni o hyd a byddwn yn hapus i drafod y rôl yn fwy manwl gyda chi.

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon