Gwneud cais am drwydded forol band 1

Defnyddiwch y gwasanaeth hwn i wneud cais am drwydded forol band 1. 

Cyn i chi ddechrau

Mae angen i chi wybod:

• enw eich prosiect
• crynodeb o'r hyn rydych chi eisiau ei wneud
• manylion yr ymgeisydd ac unrhyw asiant
• cyfeirnod ar gyfer unrhyw gyngor cyn ymgeisio y gwnaethom ei roi i chi
• gwybodaeth am unrhyw gychod neu gerbydau y byddwch yn eu defnyddio
• dyddiadau dechrau y gwaith
• lleoliad y prosiect gan ddefnyddio hydred a lledred mewn graddau degol i 5 lle degol
• pa ddeunyddiau y byddwch yn eu dyddodi neu'n eu tynnu, a faint ohonynt
• a oes gennych unrhyw bwerau statudol i gydsynio ag agweddau ar y gwaith ai peidio, ac o dan ba ddeddfwriaeth
  
  

Dogfennau y mae'n rhaid i chi eu lanlwytho

1. Map Orolwg Ordnans neu Siart y Morlys
   
   
2. Datganiadau dull
   
   
3. Cynlluniau adeiladu a lluniadau trychiadol, os oes gennych rai
   
   
4. Siart o'r llwybr danfon arfaethedig os ydych yn danfon deunyddiau ar y môr
   
   
5. Cadarnhad ysgrifenedig gan Dŷ'r Drindod a'r Asiantaeth Forwrol a Gwylwyr y Glannau na fydd eich gwaith yn achosi risg i eraill
   
   
6. Unrhyw ohebiaeth ag ymgyngoreion eraill
   
   
7. Eich tystiolaeth, os ydych am hawlio cyfrinachedd
   
   

Talu am eich cais

Ar ddiwedd y ffurflen gofynnir i chi sut yr hoffech dalu.

Gallwch dalu:

• ar-lein gyda cherdyn (credyd neu ddebyd, Visa neu Mastercard)
• dros y ffôn gyda cherdyn
• trwy drosglwyddiad banc (BACS)

Os ydych chi eisiau talu ar-lein, gofalwch fod eich cerdyn yn barod. Bydd cyflwyno'ch cais yn mynd â chi i'r dudalen dalu ar-lein.