Blancomet - Gwaith Trin Gwastraff Queensferry, Ffordd y Ffatri, Pentre, Sir y Fflint, CH5 2QJ
Rydym wedi derbyn cais am drwydded amgylcheddol gan Dŵr Cymru Cyfyngedig
Cais am drwydded amgylcheddol arbennig newydd dan Reoliadau Trwyddedu Amgylcheddol (Cymru a Lloegr) 2016
Rhif y cais: PAN-027194
Math o gyfleuster rheoledig: Gweithfa - S5.4, Rhan A (1), (b) ac (i) Adfer neu gyfuniad o adfer a gwaredu gwastraff amheryglus gyda chapasiti o fwy na 75 tunnell y dydd (neu 100 tunnell y dydd os treulio anaerobig yw’r unig weithgaredd trin gwastraff) sy’n cynnwys triniaeth fiolegol.
Lleoliad y cyfleuster rheoledig: Gwaith Trin Gwastraff Queensferry, Ffordd y Ffatri, Pentre, Sir y Fflint, CH5 2QJ
Mae Dŵr Cymru Cyfyngedig yn gwneud cais am drwydded amgylcheddol Newydd ar gyfer trin gwastraff drwy dreulio anaerobig er mwyn bodloni gofynion y Gyfarwyddiaeth Allyriadau Diwydiannol (IED) a Rheoliadau Trwyddedu Amgylcheddol (EPR) 2016.
Mae’r cais yn cynnwys disgrifiad o’r weithfa arfaethedig; y deunyddiau, y sylweddau a’r ynni y bydd yn ei ddefnyddio a’i gynhyrchu; amodau ei safle; ffynhonnell, natur ac ansawdd ei allyriadau rhagweladwy a’u heffeithiau posibl, y technegau arfaethedig ar gyfer rhwystro, lleihau a monitro ei allyriadau a rhwystro ac adfer gwastraff; ac amlinelliad o’r prif ddulliau amgen o weithredu a ystyriwyd, os oes rhai o gwbl.
Gallwch weld y dogfennau cais yn rhad ac am ddim, o'n cofrestr gyhoeddus ar-lein. Neu gallwch ofyn am gopi o'r wybodaeth gennym ni. Gallai hyn gymryd amser i'w brosesu a gellid codi tâl am hynny.
Os oes gennych unrhyw sylwadau anfonwch y rhain erbyn 30 Ebrill 2025
Ebost: permittingconsultations@cyfoethnaturiolcymru.gov.uk
Neu ysgrifennwch at:
Gwasanaeth Trwyddedu
Cyfoeth Naturiol Cymru
Adeilad y Goron
Parc Cathays
Caerdydd
CF10 3NQ
Rhaid i ni benderfynu a ddylid caniatáu neu wrthod y cais. Os ydym yn ei ganiatáu, mae’n rhaid i ni benderfynu pa amodau i’w cynnwys yn y drwydded. Gallwch ddod o hyd i wybodaeth ynglŷn â sut yr ydym yn gwneud penderfyniadau yn ein Datganiad Cyfranogiad Cyhoeddus.