Rhedeg

Llwybrau rhedeg yn ein coetiroedd

Mae ein llwybrau rhedeg yn cynnig cyfle i redeg ar lwybrau diogel sydd oddi ar y ffordd ac yn ddi-draffig mewn lleoliadau coedwig hardd.

Mae arwyddbyst ar y llwybrau er mwyn i chi allu teimlo’n hyderus wrth ddilyn y ffordd ac mae’r olygfa’n well o lawer nag ydyw yn y gampfa!

Cofiwch y bydd arnoch angen esgidiau a dillad sy’n addas ar gyfer yr amodau - mae rhai rhannau o’r llwybrau hirach yn dilyn llwybrau mwdlyd lle byddai’n gall gwisgo esgidiau rhedeg llwybrau priodol.

Dewch o hyd i lwybr rhedeg

• Darllenwch ymlaen i ddarganfod mwy am ein llwybrau rhedeg.
• Gallwch chwilio am lwybrau rhedeg sy’n agos atoch chi ar ein map.

Gallwch hefyd redeg ar unrhyw un o’n llwybrau cerdded - dewch o hyd i un yn agos atoch chi yn yr adran lleoedd i ymweld â hwy.

Rhedeg yng Nghoedwig Niwbwrch, Ynys Môn

• Llwybr Rhedeg y Gymanwlad (dechrau: Maes parcio’r Traeth, pellter: 6¾ milltir/11 cilomedr)

 Darganfod mwy am redeg yng Nghoedwig Niwbwrch

Rhedeg ym Mharc Coedwig Coed y Brenin, ger Dolgellau

Mae pedwar llwybr ag arwyddbyst sy’n addas ar gyfer rhedwyr yn cychwyn o Ganolfan Ymwelwyr Parc Coedwig Coed y Brenin.

• Maen nhw’n amrywio o ran hyd o ychydig filltiroedd i hanner marathon llawn, ac maen nhw wedi cael eu cynllunio ar gyfer dechreuwyr a rhedwyr mwy profiadol
• Mae’r llwybrau’n cynnwys cyfuniad diddorol o ffyrdd coedwig a hawliau tramwy cyhoeddus anwastad heb eu tarmacio, sydd â gwreiddiau, mwd a chreigiau yma ac acw arnyn nhw. Mae yna elltydd serth hefyd, ar i fyny ac ar i lawr, ond mae yna ambell ddarn o ffordd sydd wedi’i tharmacio
• Gallwch gael golwg sydyn ar y llwybrau rhedeg drwy wylio fideo Coed y Brenin – cychwynnwch ar eich antur

Darganfod mwy am redeg ym Mharc Coedwig Coed y Brenin.

Rhedeg yn Nhan y Coed yng Nghoedwig y Dyfi, ger Machynlleth

Mae dau lwybr rhedeg wedi'i nodi ag arwyddbyst yn cychwyn o faes parcio Tan y Coed.

• Mae'r ddau lwybr yn tua 5 milltir/8cilometr o hyd, a'n cynnwys chyfnodau hir o ddringo a llethrau serth ar hyd ffyrdd coedwig a llwybrau garw.

Darganfod mwy am redeg yn Nhan y Coed.

Rhedeg yng Nghoedwig Bwlch Nant yr Arian, ger Aberystwyth

Mae dau lwybr rhedeg sydd wedi’u nodi ag arwyddbyst yn cychwyn o Ganolfan Ymwelwyr Coedwig Bwlch Nantyrarian.

• Mae un llwybr rhedeg yn bum cilometr o hyd ac mae’r llall yn 10 cilometr
• Mae’r ddau lwybr yn cynnwys rhannau gwastad, dringfeydd ac arwynebau amrywiol

Darganfod mwy am redeg ym Mharc Coedwig Bwlch Nant yr Arian.

Rheded yng Nghoetir Ysbryd Llynfi, ger Pen-y-bont ar Ogwr

Mae’r tri llwybr rhedeg byr ag arwyddbyst sydd yma yn gyflwyniad gwych i redeg llwybrau.

• Maent ar gymysgedd o ffyrdd coedwig, arwynebau wedi’u tarmacio, a darn byr o ffordd un trac, gydag ambell i ddarn lle mae mwd a chreigiau 
• Yn dibynnu ar lefel anhawster y llwybr, mae esgyniadau a disgyniadau serth a darnau pantiog.
• Mae lefel resymol o ffitrwydd yn ofynnol ar gyfer y llwybrau oren a phorffor. Mae’r llwybr coch yn fwy addas ar gyfer rhedwyr profiadol a chanddynt lefel uwch o ffitrwydd. 

Darganfod mwy am redeg yng Coetir Ysbryd Llynfi

Beth am ddarganfod mwy

• Sut i gael caniatâd i drefnu digwyddiad rhedeg mewn coetir sy’n cael ei reoli gan Cyfoeth Naturiol Cymru
• Defnyddiwch deulu Codau Cefn Gwlad i’ch helpu i baratoi a mwynhau ymweliadau diogel â chefn gwlad
• Gweld map sy’n dangos yr holl leoedd sydd gennym y gallwch ymweld â hwy